Archiv

akemma...

hey hey

aiso des isma echt zanstrengend jedm ois zum dazain, i schreibs einfach do eina...

i bin am 14. noch eeeewig langem flug akemma in boise um mitternacht, war anschliessend inam orientation camp bei na AFS betreuerin und um 4 ham me dann denise und katharine obghoid. mei gastfamilie is wirklich total lustig und nett und joa, passn perfekt bis eitz, mir gehts blendend.

shaus und mei zimmer san cool, mei zimmer is gruen und blau und lila, mei bett is extrem hou, i muas springa dase affekimm xD lincoln, da hund is cool, muasma nur song "go on" und weg isa.

hob af de boh dog scha fai erlebt, war mid margo (katharine's beste freindin) und a boh leid inam water park mid ewig fai rutschen, war scha 6 stund shoppen (kanntma glaube niemals afhern, es is ois so geil und soo billig) und ja. heid af dnacht hods saibagmochte cheeseburger gem, und grandma und nachbarn warn do.

ooh ja gesdan ware mid meina mom, aiso da deni und meina schwesta da katharine af na hochzeit inam ort 2 stund entfernt vo boise und mia sama dann inam hotel ibanacht blim. des war mit ABSTAND de schnaiste hochzeit af dere war, noch ned moi 10 min warn de gheirat...war komisch,oba hod bassd.

mit da sprache gehts ma bis eitz blendend. aiso i vosteh praktisch ois, bis af a boh woerter, woe hoid dann nochefrog, oba ansonsten...und vosteh dans me anscheinend a weil de ollameisten de i drief erst noch na hoibadn stund song "oh you're the exchange student they told me about??" xD

in da schui ware a scha. ooida is des geil do. aiso foi riesig und hoid einfach so wiasdas aus de filme kennst. riesengrous und sportblotz und de klassenzimmer mid de oanzaina stuina und cafeteria und cheerleader und footballplayer und hoid einfach cool xD wird lustig ja...gottseidank san katharine und margo normal, ohne dem ganzn drama und tussimaessigen scheiss. bine scha frou drum.

naja, soweit moi fian anfang.

lena

1 Kommentar 18.8.08 05:49, kommentieren

lala

hm so i bin eiz im swim team vo da Capital high school, training is jedn dog vo 5.30 bis 6.30. is recht cool, aiso mir gfoids sauguad, katharine hod so irane probleme xD

gesdan war da ben do so um middog umananda, hama baseball ogschaud und warma schwimmbrillen kaffa^^i find des so geil dass do scha jeda autofohn kann....

katharine hodma cheerleader im yearbook zoigt und gseng hane a scha oane in so a feeettn auto....i bin ja so gspannt xD des wird so lustig.

af dnacht nochm training warma af da fair, aiso afm voiksfest mit da margo, hannah (margo freindin hod koana kennt), gavin (katharine's besda freind) und dem sein freind kevin. war echt lustig, san foi cool draf olle. i find des beeindruckend dass de mid leid dohi gengan de se saibe ned moi kennan, nur iba an freind und de vostengan sich oba dann wia wenns bF wadn, aiso i haed ned gsogt dass koana hannah und kevin kennt so wia de gaude gmocht ham. war cool ja...oba de miassn foi fria dahoam sa. hoibe 11e hama dahoam sei miassn. naja, war trotzdem cool.

eitz bine grod afgstandn (bei mir is kurz noch hoibe 10e) und heid im namedog fohma af sun valley, des is anscheinend so a veranstaltung vom senator vo idaho (mike crapo), fia den mei gastvater oabat und dene "mike" nenna soi xD sama inam hotel bis Fr und dann dama schiassn, reiten und fischen. so wild west maessig, i gfreime scha. (a wenns hoisd dase ned ins swim team training kann )

ahja gesdan hama katharine und i rasenmgmaht. und sie hodse hoibad obgschissn vor locha wiasma zuagschaut hod. naja i kann ja a nix dafia dases ned kann xD und dass do schlangen umananda wurschtln!

lg lenaa

1 Kommentar 20.8.08 17:50, kommentieren

SUN VALLEY - IDAHO

Sama grod vo sun valley hoamkemma und es war moi andasd geil. Am ersten abend war so a "reception", so a stehempfang praktisch mid lauter so reiche industrielle und lobbyisten oda wia de hoisn. haman olle an haffa gaid zoid um doherzum kemma und mim mike (crapo - senator vo idaho) zum ren, mia sama umasunst kemma muhaha. na war oke.

Am Donnasdog warma wia imma bissl shoppen vor und nochm middogessn und dann sama af a Ranch gfohn woe zum erstn moi in meim lem af am lebendign pferdl gsessn bin.oke pferdl ibahabt. War oba echt genial, sama dann so zwischen maisfelder gritten, vor und hinter mir iwo 2 cowboys, im hintergrund berg...war scha beeindruckend. ooba dann...sama afs nachbargrundstueck wo de ganzn reichen wieda warn und dann warn do schiessanlagen. Hobe zum erstn moi a schrotflinten in da hend ghobt (de san sauschwar) und hob a so fliegende objekte gschossn, wos vegl darstain soidn oda so. war oba geil, hob sogoa oan droffa xD   Dann hod der mensch dem des ganz zeig ghead erklaert (bzw mir hamses vorher scha dazaid) dass er seit fast 30 joh in mississippi a unternehmen hod wo US government olle hischickt vo da army und so des schiassn lerna miassn, und FBI schickt spione hi usw. der ma hods echt draf, der hod mid einer geschwindigkeit und einer genauigkeit gschossn, respekt muase song. af jeden fall hobe dann na mid am maschinengwehr und so am andan fettn teil gschossn, de US army im krieg eisetzt oda so. wersma ned glaubt i hob beweisfotos xD war brutal...oba wos a weng schockierend is, is de normalitaet wia de mid de waffn umgengan...i moin do warn a boh 10 jahrige buam vor mir de mid kaliber gschossn ham de gressa warn wia se saiba...naja welcome to the united states of america soge do bloss.

ahja i hob aiso oan vo de senatorn vo idaho droffa, oan senator vo nevada und oan vo dene, de im house of representatives sitzn und der war vo louisiana soweidame erinnan kann.

sun valley generell is so a resort wo dleid zum skifohn usw hifohn,hod so a ma in de 30er ausm bohn gstampft. bruce willis, demi moore, clint eastwood usw soin do efdas praesent sei hams ma gsogt. naja gseng hane koan war oba trotzdem EXTREM fai spass. vorallem wia deni und katharine vosuacht ham "Raeum den schlauch auf" zum song...."Rimadim schlachaf" xD xD xD

1 Kommentar 23.8.08 02:28, kommentieren

1.Schuidog

Wos soie grous song...genau so wiamas am Fernsehn segt. i moin riesen schui, locker im gang, cheerleader schicki micki und hirnlose footballspieler, freaks und einzelgaenger, oba a ziemlich coole und lustige leid. Lehrer ham era eigens zimmer und du muasd praktisch fast RENNA um zu deim naechstn klassenzimmer kimmst, weil es dauad echt bist im gang vora kimmst bei 1800 schueler. oba o hobme na goaned so oft vorennt xD

i bin zwar koa mathe genie, oba algebra in englisch schaut name ganz andas aus, des wird lustig! in meim englisch klassenzimmer haengan uebr 2 riesen simpsons poster und mei mathe lehrerin schaut aus wia a playmate in de 30er...i moin leid gehts hoid sterm^^ es is oba scha lustig muase song wos do ois fia fatzn umanandarennan...

am sonndog ware uebr in da kiacha mid meina familie zum erstn moi. episcopalian oda so san de...irgend a mischmasch aus katholisch und evangelisch oba mid wenga regeln und ja, war so a gospelchor do(is normal ned do) und mittn unta da kircha fangan leid sklatschn a nochm liadl und s'schnodan...naja war komisch oba iwie lustig.

jedn dog de gleichen faecher is a nei...san zwar a nur 6 oba i han bis um 2.50 schui mit mittogspause...oba de stunden kemman da echt ned recht fai laenger vor wia do. i vosuach me uebr in kunst...aiso i und kreativ is wia i und bio (muasma ned vosteh) oba ja, schauma moi^^

2 Kommentare 28.8.08 00:29, kommentieren