halloween (:

puh.

mittlerweile is halloween do, aiso naechste wocha. oba i war gesdan scha af na party, mid olle andan austauschschueler vo AFS. naja aussa a boh, oba egal. i war al vampir verkleidet, sogoa meine hoh hama schwoaz agsprueht, war a erlebnis. oba noch 5 stund haname nimma seng kinna xD zerst sama zu am corn maze gfohn, aiso am mais faidl, wos a labyrinth draus gmocht ham, und do drin hama uns nadiale (wiare prophezeit han) vorennt, noch guade 1 1/2 stund warma endlich wieda herausn, stockfinsda wars scha. dann hama uns bei ebban dahoam pizza bstaid, tischtennis gspaid (es war soo lustig) und an brutalst gruslign film ogschaut, i han wegschaun miassn de meiste zeit weilama so ind hosn gschissn han xD

 

uund: i hanme fia idaho state championship qualifiziert!!!! 50 brust in na staffel. i hanme so brutalst gfreid. do kimme umma, katharine und i fangma schwimma so zum spass a in da mannschaft, und dann derfma staat meisterschaften schwimma, i moin wia brutal isn des?! xD

 

schui lafft imma na bestens, bisher nix schlechdas wia an 1er xD oida herdse des streberhaft a, oba es is hoid einfach oafach^^

mim heimweh bassds zurzeit recht, koa weinkraempfe und nix...

1 Kommentar 26.10.08 01:08, kommentieren

gruesdeich!

holahola.

han owei fast koa zeit mi moi laenger herzumsitzn und wos zum schreim, desweng werns leider owei so monstereintraege....

Am letztn Diensdog hama wieder an schwimmwettkampf ghobt und i han 100 brust und 100 SCHMETTERLING (!!) schwimma miassn. i han schmetterling vll vor 2 wochan gleand oda so,und dann glei 100, des iso so sauanstrengend...oba i hans gschafft und jeda war foi stoiz af mi :D naechstn Di hama wieda an wettkampf und do muase sgleiche wieda schwimma, wenn ned 2 moi schmetterling.

 

Letzte wocha hodma mei gastmam angeboten mir sautofohn zum lerna. is erna (und mia) ja grod vo da organisation vobotn woan, weile sunst hoamgschickt wia. oba segtma moi wie cool de is xD oba oiiida de ham eine polizeipraesenz. in deitschland sege koa 5 wong, do segst olle 2 minutn mindestens oan.

 

Gesdan und heid hama ned ind schui miassn wega so Lehrerkonferenzen oder so...dschui is ibahabt eh a witz. i woas i wiedahoi me, oba es is einfach unglaublich...erst moi griagst af OIS punkte, af jeds bladl, sogoa wennst wos ausmoinadsd oda so....is scha komisch wennma gewohnt is dassma doabatsbladl normalerweis wegschmeisst nochdemas griagt hod. ausserdem ham de ned sowos wia schuxn, nur tests, und de gengan hechstens iba 2 wochan...

 In Mathe mochma 20 min stoff, dann mochma hausi in da stund und dann derfma muse hern oda sms schreim oda so....nur zum vergleich, handys und ipods san vobotn in da schui...mei mathelehrer is echt da beste, der is bestimmt 55,60 joh oid und hod chucks. ahja und katharine erinnad me grod dassame "UBERDEUTSCH" nennt. ned sehr nett oba lustig. und ausserdem hane letzte wocha an schuiofficial gseng der zu am hopper gsogt hod "pull your pants up" weilas a BISSL undam osch ghobt hod. i han echt an lachanfall griagt. manches is einfach soo laecherlich, de san so konservativ, brutal.

 

Zum middogessn in da cafeteria gibts: Pizza, Burgerm, Wraps, Salat, Chicken, Cookies, Sandwich usw...hobma denkt des soidme moi erwaehna. und nadiale miiilch

 

Und i bin mittlerweile echt stoiz Deitscha, bzw Europaer zum sei. Herdse fia eich komisch a i woas, oba man lernt des echt zum schatzn wosma hod. So einfach wias lem do is und so cool, i mecht ned mei ganz Lem do vobringa. Des hodma mei Mam vorher unda dnosn grimm, und i muas song, sie hod recht. wichtige lektion fias lem.

 

Amerikaner kennan Rammstein, TOKIO HOTEL (de warn bei de mtv awards oda so, mid am auto des mid baidl vo erna ogstricha warn und dmenge is nasch woan...i han echt gmoind mia hauts an vogel aussa. i han ois erwartet, oba ned dass tokio hotel do bekannt is), Heidi Klum, Claudia Schiffer, Novitzki, Kleiner Hai, SCHNAPPI usw. Nadiale sama a bekannt wega unsana geschichte. bisher bine naned als nazi bezeichnet woan oda so, glaub a ned dass des bassian wiad,oba woatma erst moi oba bisma zu dem kapitel kemman in US History.

 Und mittlerweile bine soweit dase de deitschn woerter vogiss. Han nimma gwissd wos Economic und wos Manners af deutsch han, war erschreckend.

 

Dadme gfrein wenne vo eich a wos hern dad, wos so abgeht und so, kinntsma ja a einfach schreim wenne off bin oda so.

 

1 Kommentar 3.10.08 20:01, kommentieren

soweit sogut...

wou eitz hane lang nimma gschrimm foidma grod af.

naja i leb noch wie vor na, manchmoi bessa, manchmoi schlechta. hoisd mit heimweh,oba sowos soid ja normal sa songs.

af jedn fall hane boh punkte obzumdecka:

  • kiacha: Mei Familie ghead da Episcopalian Church a, iwo zwischen kath. und evan., oba mehr evangelisch. Christlich hoid,oba komisch. Aiso erstns faltet do kam ebba dhend. Dann hams koa Weihwossa?! und frauen san a priester oda so, zumindest rennan de a am altar umandana. woasn i. af jedn fall griagst owei so an flyer vor da kircha wosd jeds oanzellne wort midlesn kannst wos gsogt wiad, aiso evangelium und antworten usw. komischs zeig, paulina hodma angeboten mid ihr ind katholische kiacha zum geh...moi schaun wie lang dassme baut in de zum geh, bisher ware 2 moi.
  • football: bisher ware in 4 football gspaia, 2 vo meina high school und 2 vo boise state (college). jeds oanzellne moi war a erlebnis, oba i kannt ned song waiche gspaia dassma bessa gfoin. i woas i wiedahoi me mid spirit und so, oba es is einfach so gigantisch, muasma moi erlebt hom. es gibt a so gruppierungen, sowos wia cheerleader nur dass jeda midmocha kann. weiba hoisn "foxes" und kaln "rowdies" und de ham a so shirts und feian hoid besonders a und so. ah ja, am dog vo am football gspai oda sunst irgend am event woma als schui aftritt ham AN HAFFA schueler waehrendm vormiddog scha capital-zeigs a. oida.
  • schui: vor jedm test griangma an study guide wo praktisch ois drinsteht wos im test drakimmd. mid de antworten. de songa owei fast ois vorher?!?! und auswendig lerna miassns a nix. geschichte hama inam quiz, sowos wia a ex sogoa unsane notizen hernemma derfa. miriam (austauschschuelerin aus koeln) und i schauma uns grodna owei a. i frogme nimma warume owei grod 1er an, sogoa in mathe. aiso algebra hane. und du griagst noten af OIS wosd mochst. obatasbladl und so, bine goaned gwehnt, griagst af ois punkte und dann rechnens dein schnitt aus in prozent. 100-90= A, 89-80=B usw. Bin fast in olle Faecher af iba 95% prozent. Do segtma moi wosma fia a Niveau in Deitschland hod (und isma dankbar dafia). I moin es is ned so dase nix lern, Algebra is recht hilfreich weile owei na meine Probleme mid Positiv und Negativ rechnen und son Scheiss han. Naja aussadem hodma in spanisch de moeglichkeit an test zum WIEDAHOIN. und vorher seine fehler azumschaun. WOS MUASMA DO NA KINNA?!?!
  • ich befinde mich in der wueste, hoisd am dog is nachwievor kurze hosn weda, in da nacht kuehlts brutal schnai ob
  • "Your english is almost better than mine!" - hane ned nur oamoi ghead...
  • letzte wocha hane bacha. und moang werdes wieda mocha, warn ganz begeister. ausserdem werde in naeherer zukunft moi schnitzl mid kadoffesolod mocha. oida i gfreime!
  • ahja, und de sach mid de streber is do ganz andas. jeda wai do guade noctn hom und wennst waiche hosd wiad des a anerkannt und du wiasd ned verhoehnt, wos eigentlich ganz cool is. is moi wos andas.
  • hobma a levi's hosn fia 21 (!!!!) $ kafft. bessa gsogt 2. eigentlich hod oane 40 kost,oba war sale. i muas song a levi's fia 15 euro is scha wos feins xD
  • mei englischleher mr bishop hod mid TEAM USA beim fliegenfischen dweltmeisterschaft gwunga-> www.denverpost.com -> outdoors (woas ned obs owei na dosteht)

des wars vo mir, hoff eich gehts olle guad!

1 Kommentar 19.9.08 05:52, kommentieren

Football, Party usw

Schui is ois guad, is ned allzuschwar, oke Mathe in englisch is ned des tollste oda a Spanisch, wennma ois 2 moi ibasetzn muas,oba soweit bassds...in tests derfans owei erane notizen hernemma(?!?!), keine ahnung ob des mid exen zu vergleichen is, is hoid ibahabt koa herausforderung eigentlich...

am freidog ware af am footballgspai vo meina high school (Capital High) gega Boise high school, war ECHt brutal, war im grousn stadion vo da uni...olle warn in de schuifarben schwarz gold silber ozong und ham foii agfeiad...des war a erlebnis. danoch sama dann zu da schui hi und hama draf gwoad mid de cheerleader (oke de san wirklich so wia am fernsehn) dass dspieler kemman...dann hams olle foi gschrian und so...dann hama gwoad bzw party gmocht bis duscht warn und so und dann sama zum mexicanischn fastfooddings gfohn bis um hoibe 12e, war recht lustig.

gesdan war bei uns dahoam a ueberraschungs geburtstagsparty fia allee, freindin vo da katharine. hama im namedog ois vorbereitet und dann san katharine, gavin und margo lous und ham sie obghoid (sie hod gmoind sie hod hausarrest), hamses gfesselt, in da stod umanadagfohn und dann schliesslich am kanal entlang hinda unsam haus in unsan goatn gfuehrt woma mia olle gwoat ham, dann hods eistortn und chips gem und mia ham film ogschaut...war echt a gaude.

am freidog miassma ned ind schui, keine ahnung warum...oba is cool ^^

einige gedanken: warum hob i koa 400 kanaele? warum gibtma koana a vollkornbrot, fleischpflanzl, milka schokolad oda knedl? warum hama mia in deitschland koa microwelle, kuehlschrank,fernseher,power point dings im klassenzimma? es stimmt, amis san wia pfirsiche (aussen weich und innen hoat...ooohja des sans) und deitsche san wia cocosnuesse, aussen hoat und innen weich. is oba ned imma hilfreich, aiso pfirsiche. football is echt brutal oba saukuhl, letztens is da nachbar und da anda freind vom john kemma im vormiddog und mia hama college football ogschaut vo nebraska (meine leid san urspruenglich aus nebraska) af unsam riiiiiesigen fernseher . i lieb eikaffa, oba ind mall kanntma eiziang so geil is des.

i woas scha i brauch owei so lang mid de eintraege, i gibma muehe xD

1 Kommentar 7.9.08 19:04, kommentieren

1.Schuidog

Wos soie grous song...genau so wiamas am Fernsehn segt. i moin riesen schui, locker im gang, cheerleader schicki micki und hirnlose footballspieler, freaks und einzelgaenger, oba a ziemlich coole und lustige leid. Lehrer ham era eigens zimmer und du muasd praktisch fast RENNA um zu deim naechstn klassenzimmer kimmst, weil es dauad echt bist im gang vora kimmst bei 1800 schueler. oba o hobme na goaned so oft vorennt xD

i bin zwar koa mathe genie, oba algebra in englisch schaut name ganz andas aus, des wird lustig! in meim englisch klassenzimmer haengan uebr 2 riesen simpsons poster und mei mathe lehrerin schaut aus wia a playmate in de 30er...i moin leid gehts hoid sterm^^ es is oba scha lustig muase song wos do ois fia fatzn umanandarennan...

am sonndog ware uebr in da kiacha mid meina familie zum erstn moi. episcopalian oda so san de...irgend a mischmasch aus katholisch und evangelisch oba mid wenga regeln und ja, war so a gospelchor do(is normal ned do) und mittn unta da kircha fangan leid sklatschn a nochm liadl und s'schnodan...naja war komisch oba iwie lustig.

jedn dog de gleichen faecher is a nei...san zwar a nur 6 oba i han bis um 2.50 schui mit mittogspause...oba de stunden kemman da echt ned recht fai laenger vor wia do. i vosuach me uebr in kunst...aiso i und kreativ is wia i und bio (muasma ned vosteh) oba ja, schauma moi^^

2 Kommentare 28.8.08 00:29, kommentieren

SUN VALLEY - IDAHO

Sama grod vo sun valley hoamkemma und es war moi andasd geil. Am ersten abend war so a "reception", so a stehempfang praktisch mid lauter so reiche industrielle und lobbyisten oda wia de hoisn. haman olle an haffa gaid zoid um doherzum kemma und mim mike (crapo - senator vo idaho) zum ren, mia sama umasunst kemma muhaha. na war oke.

Am Donnasdog warma wia imma bissl shoppen vor und nochm middogessn und dann sama af a Ranch gfohn woe zum erstn moi in meim lem af am lebendign pferdl gsessn bin.oke pferdl ibahabt. War oba echt genial, sama dann so zwischen maisfelder gritten, vor und hinter mir iwo 2 cowboys, im hintergrund berg...war scha beeindruckend. ooba dann...sama afs nachbargrundstueck wo de ganzn reichen wieda warn und dann warn do schiessanlagen. Hobe zum erstn moi a schrotflinten in da hend ghobt (de san sauschwar) und hob a so fliegende objekte gschossn, wos vegl darstain soidn oda so. war oba geil, hob sogoa oan droffa xD   Dann hod der mensch dem des ganz zeig ghead erklaert (bzw mir hamses vorher scha dazaid) dass er seit fast 30 joh in mississippi a unternehmen hod wo US government olle hischickt vo da army und so des schiassn lerna miassn, und FBI schickt spione hi usw. der ma hods echt draf, der hod mid einer geschwindigkeit und einer genauigkeit gschossn, respekt muase song. af jeden fall hobe dann na mid am maschinengwehr und so am andan fettn teil gschossn, de US army im krieg eisetzt oda so. wersma ned glaubt i hob beweisfotos xD war brutal...oba wos a weng schockierend is, is de normalitaet wia de mid de waffn umgengan...i moin do warn a boh 10 jahrige buam vor mir de mid kaliber gschossn ham de gressa warn wia se saiba...naja welcome to the united states of america soge do bloss.

ahja i hob aiso oan vo de senatorn vo idaho droffa, oan senator vo nevada und oan vo dene, de im house of representatives sitzn und der war vo louisiana soweidame erinnan kann.

sun valley generell is so a resort wo dleid zum skifohn usw hifohn,hod so a ma in de 30er ausm bohn gstampft. bruce willis, demi moore, clint eastwood usw soin do efdas praesent sei hams ma gsogt. naja gseng hane koan war oba trotzdem EXTREM fai spass. vorallem wia deni und katharine vosuacht ham "Raeum den schlauch auf" zum song...."Rimadim schlachaf" xD xD xD

1 Kommentar 23.8.08 02:28, kommentieren

lala

hm so i bin eiz im swim team vo da Capital high school, training is jedn dog vo 5.30 bis 6.30. is recht cool, aiso mir gfoids sauguad, katharine hod so irane probleme xD

gesdan war da ben do so um middog umananda, hama baseball ogschaud und warma schwimmbrillen kaffa^^i find des so geil dass do scha jeda autofohn kann....

katharine hodma cheerleader im yearbook zoigt und gseng hane a scha oane in so a feeettn auto....i bin ja so gspannt xD des wird so lustig.

af dnacht nochm training warma af da fair, aiso afm voiksfest mit da margo, hannah (margo freindin hod koana kennt), gavin (katharine's besda freind) und dem sein freind kevin. war echt lustig, san foi cool draf olle. i find des beeindruckend dass de mid leid dohi gengan de se saibe ned moi kennan, nur iba an freind und de vostengan sich oba dann wia wenns bF wadn, aiso i haed ned gsogt dass koana hannah und kevin kennt so wia de gaude gmocht ham. war cool ja...oba de miassn foi fria dahoam sa. hoibe 11e hama dahoam sei miassn. naja, war trotzdem cool.

eitz bine grod afgstandn (bei mir is kurz noch hoibe 10e) und heid im namedog fohma af sun valley, des is anscheinend so a veranstaltung vom senator vo idaho (mike crapo), fia den mei gastvater oabat und dene "mike" nenna soi xD sama inam hotel bis Fr und dann dama schiassn, reiten und fischen. so wild west maessig, i gfreime scha. (a wenns hoisd dase ned ins swim team training kann )

ahja gesdan hama katharine und i rasenmgmaht. und sie hodse hoibad obgschissn vor locha wiasma zuagschaut hod. naja i kann ja a nix dafia dases ned kann xD und dass do schlangen umananda wurschtln!

lg lenaa

1 Kommentar 20.8.08 17:50, kommentieren